Gracelandic kynnir SUITE TVENNA · 1963, sérhannað safn sem sækir innblástur sinn í fjölþættan raunveruleika sjálfstæðis Kenýa árið 1963. Meðan völd tóku breytingum héldu eldri stjórn-, hag- og hönnunarkerfi þó áfram að móta hversdagsleikann, og mynduðu blæbrigðaríkt rými þar sem stöðugleiki og breytingar héldust í hendur.
Þessi spenna er grundvöllur þessa safns. SUITE TVENNA · 1963 spilar með tvígreiningarhugtakið með flíkum sem hægt er að snúa við, einingaskiptum formum og vel ígrunduðu samspili vestrænnar fatahönnunar og hefðbundinna forma. Strúktúrnum er ekki hafnað heldur er hann endurnýttur af kostgæfni og látinn njóta sín í vandaðri hönnun.
Hver flík endurspeglar samruna ólíkra sjónarhorna. Flíkurnar einkennast af lagskiptum frásögnum fortíðar og nútíðar jafnt sem minningar og tjáningar og bjóða ekki aðeins upp á fjölbreytta notkun heldur fjölbreytta merkingu. Þær eru til þess hannaðar að vera notaðar á ýmsa vegu og bjóða þeim sem klæðist þeim að eiga virkan þátt í túlkun hönnunarinnar.
Safnið er byggt á mínímalisma og nákvæmni og gengur ekki bara út á glæsilegt útlit. Það notar tísku til þess að segja sögur og samtvinna ólík sjónarhorn - flíkur með dýpt sem eru jafnframt fágaðar í útliti. Allar flíkur eru unnar úr 100% bómull, sem styrkir skuldbindingu Gracelandic við náttúruleg efni, þægindi og endingu. Í samræmi við núll-sóunar nálgun fylgir safninu einnig úrval aukahluta sem unnir eru úr afgangsefnum framleiðslunnar—þar sem afskurðir eru umbreyttir í meðvitaða og markvissa hönnunarhluti. Að auki kynnir Gracelandic sína fyrstu herralínu, sem samanstendur af skyrtum í takmörkuðu upplagi.
Samhliða flíkunum er kynnt sérstök skartgripalína, Etyang’, nefnd eftir staðbundnum skartgripasmið í Kenía. Línan endurspeglar handverk, arfleifð og áframhaldandi samtal milli efnis, staðar og hönnunar.
SUITE TVENNA · 1963 er næsta skref í þróun hönnunarnálgunar Gracelandic, sem byggist á sjálfbærni, nýsköpun og alþjóðlegum viðhorfum. Safnið endurspeglar það gildi Gracelandic að skapa aðlögunarhæfar og endingargóðar flíkur með tilgang.
SUITE TVENNA · 1963 snýst um það hvernig tíska getur einkennst af bæði dýpt og þokka og býður upp á tengslamyndun, samtal og auka meðvitund um fötin sem við göngum í.
Takmarkað safn. Nánari upplýsingar er að finna á Gracelandic.com
Ljósmynd: Jeff Guarino